O vídeo en ultra alta definición está a disparar a demanda de capacidade nas tarxetas de memoria que empregan os dispositivos gravadores, e atendendo a esta demanda SanDisk presenta as súas novas tarxetas SanDisk Extreme PRO SDXC UHS-I en capacidade de 512 Gb, que non só permite almacenar unha cantidade de datos impresionante para o seu tamaño, senón que tamén o fai rápido, xa que ten unha velocidade de escritura de ata 90 Mbytes/segundo e ten velocidades de transferencia de ata 95 Mbytes/segundo, axilizando os fluxos de traballo con vídeo profesional.
Ao estarmos ante unha tarxeta de memoria destinada a usos profesionais temos tamén unha construción robusta, que permítelle soportar temperaturas extremas, auga, golpes e raios X, e grazas ao software RescuePRO Deluxe ofrece a posibilidade de recuperar imaxes borradas accidentalmente.
O principal problema destas tarxetas de memoria é claramente o seu prezo, xa que o modelo con 512 Gb de capacidade venderase por 799,99 dólares (618,90 euros).
Vídeo de presentación da nova tarxeta de memoria de SanDisk
SanDisk presenta tarxetas de memoria profesionais de 512 Gb
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
