O Humble Bundle ofrecerá xogos de Star Wars durante un par de semanas

Nun momento no que GOG está a destacar recuperando numerosos videoxogos clásicos de Star Wars, dende o Humble Bundle sorprenden lanzando un lote de xogos da franquía galáctica que contribuirá a achegar fondos a Unicef, e que parte dos clásicos Star Wars: Knights of the Old Republic, Star Wars Jedi Knight: Jedi Academy e Star Wars: Dark Forces, que estarán dispoñibles para os que contribúan á iniciativa coa cantidade económica que desexen, mentres que aos usuarios que paguen máis da media ofreceránselles tamén os xogos Star Wars: Battlefront II, Star Wars Knights of the Old Republic II: The Sith Lords, Star Wars: Republic Commando e algún xogo que se irá incorporando ao lote nos vindeiros días.

Pero o máis salientable de todo é que pagando a partires de 12 dólares poderemos facernos tamén con Star Wars Empire At War: Gold Pack, Star Wars El Poder de la Fuerza: Ultimate Sith Edition e Star Wars: El Poder de la Fuerza II, conformando así unha selección de videoxogos que, pese a ter o universo creado por George Lucas como nexo común, está composto por títulos de distintos xéneros, tocando a acción en primeira e terceira persoa e incluso a estratexia, de xeito que é bastante probable que todo amante de Star Wars atope algún título do seu agrado. Aínda que a meirande parte dos xogos teñan certo tempo, cómpre destacar que Star Wars: El Poder de la Fuerza II ten pouco máis de 4 anos, sendo o título máis recente incluído nesta atractiva promoción.