Co gallo do Día Internacional dos Xogos na túa Biblioteca (International Games Day @Your Library) o vindeiro sábado de 12:20 a 13:30 horas a Biblioteca Municipal do Fórum Metropolitano da Coruña acollerá unha charla titulada Prototipos narrativos de personaxes nos videoxogos, na que explicarán os tipos de personaxes na narración e como funcionan nos videoxogos, acompañando estas explicacións con imaxes e vídeos.
Os encargados de achegar ao asistentes a este aspecto do desenvolvemento de videoxogos serán Diego Corzón Pereira e David González Piñeiro, de Nexo Creativo Trim Tangle, estudio que está a desenvolver actualmente os videoxogos Therefore, e Crisis Crunch, proxectos que aínda se atopan nunha fase temperá que prevén que se consolide en pequenas demostracións para permitir captar a atención nestes desenvolvementos para facilitar a futura captación de financiamento para conseguir convertelos en produtos viables.
A actividade é de acceso libre ata completar aforo.
Unha charla na Coruña achegará aos tipos de personaxes nos videoxogos
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
