Dende hoxe e ata o 12 de marzo Xbox España organiza unha nova edición do Mes del Jugón, unha campaña especial para premiar aos xogadores de Xbox One a través de diferentes actividades e tamén coa oportunidade de facerse con xogos e accesorios para a súa consola a prezos reducidos.
Como exemplo dan conta de que os xogos ReCore, Forza Horizon 3, Gears of War 4 e Dead Rising 4, terán un desconto do 30% durante todo o mes; mentres que os novos mandos sen fíos para Xbox One, que agora poden empregarse en Windows 10 sen precisar de cables, terán un desconto do 20%.
Durante este mes as tarxetas de subscrición de Xbox LIVE Gold de 3 meses tamén terán un desconto do 40%, o que é un bo incentivo para sumarse ao xogo en liña de Xbox One (así como aos xogos incluíndo con este plan de subscrición).
Xbox España tamén realizará diferentes concursos e actividades durante este período promocional, dos que poderase ter máis información a través das súas contas en Twitter, Facebook, YouTube e Instagram.
Os usuarios de Xbox One poderán gozar dun mes de concursos e rebaixas
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
