Os afeccionados aos personaxes da Marvel poden gozar en consola do xogo Marvel Heroes Omega, que combina a xogabilidade de xogos de rol de acción e de xogos masivos en liña cun inmenso catálogo de personaxes como Spider-Man, Iron Man, Thor, Hulk, Lobezno ou os integrantes dos Defensores, os X-Men ou os Gardiáns da Galaxia, que poderán progresar durante milleiros de horas, lucir ducias de traxes e superar retos que irán actualizándose cada pouco tempo para manter a unha boa base de xogadores enganchados xa que estamos ante un título free-to-play, ou sexa, que xa o podemos descargar de balde para Xbox One ou para PlayStation 4, mentres que a versión para PC e Mac farase esperar un chisco máis.
O xogo presenta unha historia escrita polo guionista Brian Michael Bendis na que o Dr. Doom fíxose co Cubo Cósmico, artefacto capaz e mudar o tecido da realidade, polo que xuntou a un grupo de malvados para evitar que os superheroes interfiran na súa reorganización do mundo á súa propia imaxe. Unha interesante base para un xogo no que poder gozar do xogo con amigos e que aspira a xuntar a máis dun millóns de xogadores en liña.
Vídeo promocional de Marvel Heroes Omega
