Xiaomi comercializa un pequeno receptor Bluetooth con pinza

No mercado existen numerosos receptores Bluetooth para permitir empregar auriculares ou altofalantes con cable para recibir son dende fontes sen fíos, o que dende Xiaomi conseguiron dun xeito práctico e elegante co seu novo receptor Bluetooth 4.2, que non só é moi compacto (mide 5,9 x 1,35 centímetros) e lixeiro (pesa 10 gramos), senón que tamén integra unha pinza na súa parte traseira para facilitar o seu enganche na roupa por se queremos empregalo, por exemplo, durante a práctica deportiva.
Este receptor Bluetooth 4.2 de Xiaomi integra unha batería de 97 mAh (recargable por microUSB) que achégalle unha autonomía de entre 4 e 5 horas; aínda que o máis salientable deste produto é que véndese por só 99 iuans (12,77 euros), o que é un prezo o suficientemente axustado como para animar a moitos a adquirir un accesorio deste tipo para actualizar uns auriculares ou uns altofalantes que non conten con Bluetooth.