Este ano os beat’em up da franquía de Golden Axe, que tanto éxito tiveron en máquinas recreativas, poden celebrar os seus 30 anos, e para facilitar a recuperación deste referentes do seu xénero, esta mesma semana combináronse as súas 3 entregas nunha única aplicación para iOS e para Android, que poden descargarse completamente de balde, coa posibilidade de eliminar a publicidade integrada pagando 2,29 euros por cada xogo ou 5,49 euros polos 3.
Estes xogos ofrécense de balde ao incorporarse á colección SEGA Forever, sendo especialmente atractiva a súa consolidación nunha única aplicación, xa que simplifica o acceso a estes xogos que marcaron unha época e un xénero, deixando en mans do usuario se quere pagar por eles ou aturar a publicidade integrada.
As tres entregas de Golden Axe en versión móbil permiten gozar dos seus gráficos e mecánicas orixinais, estando os controis adaptados tanto para pantallas táctiles como a mandos externos, o que agradecerán os nostálxicos dos xogos de 16 bits.
Os xogos de Golden Axe están dispoñibles de balde en dispositivos móbiles
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
