Ambientar un xogo de alxubes clásico no universo de Minecraft parece ser todo un acerto se atendemos ao feito de que Minecraft Dungeons veña de superar a barreira dos 10 millóns de xogadores dende o seu lanzamento o pasado mes de maio, tempo no que teríanse rexistrado 103 millóns de sesións multixogador en Xbox Game Pass, das que un 80% foron en cooperativo local, ratificando así a demanda de xogos que poidan gozarse en compañía.
Para celebrar este fito decidiron que todos os xogadores reciban o vindeiro 24 de febreiro unha nova capa e unha nova mascota, elementos que pasarán a incorporarse ao seu inventario como parte da actualización que sairá ese mesmo día.
O 24 de febreiro tamén verá a luz Flames of the Nether, un contido descargable que trasladará ao xogador ao corazón abrasador de Nether, onde estarán dispoñibles 6 novas misións e onde poderanse colleitar novos artefactos, armas e equipamentos, así como 2 novas skins e unha mascota Baby Ghast.
Aínda que Xbox Game Pass é a plataforma na que Minecraft Dungeons resulta máis accesible, este xogo está dispoñible para Nintendo Switch, PS4, Xbox One, Xbox Series S|X e PC, polo que chega á meirande parte de incondicionais de Minecraft.
Minecraft Dungeons supera os 10 millóns de xogadores
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
