O CCG engade a entrada de Avelino Gómez Ledo ao Álbum de Galicia

Avelino Gómez Ledo naceu en Chantada pero pasou gran parte da súa vida en Madrid. Destacou polo cultivo de poesía e pola tradución ao galego dos clásicos grecolatinos. De feito, en 1964 publicou Os catro libros das Xeórxicas, e en 1973, Escolma de poetas líricos gregos e latinos voltos en lingoaxe galego; ambas obras foron publicados polo Instituto de Estudos Galegos Padre Sarmiento. Ademais, pertenceu a Real Academia Galega e foi colaborador nas revistas Nós e Logos. Por iso, a súa entrada vén de ser incorporada ao Álbum de Galicia, o acubillo online de grandes persoeiros da nosa terra que elabora o Consello da Cultura Galega.
O Álbum está formado por unha colección dixital de biografías de galegas e galegos que destacaron en varios ámbitos, como na ciencia, na cultura ou na empresa. O que se pretende é dar visibilidade e perspectiva de conxunto ás numerosas mulleres e homes que contribuíron de maneira significativa á sociedade galega ao longo da súa Historia, xa que a gran maioría seguen a ser descoñecidos.
As biografía do Álbum de Galicia contan con materiais documentais, referencias bibliográficas e contidos multimedia que permiten coñecer a obra das persoas divulgadas, así como a produción intelectual existente sobres estas. Doutra banda, o Álbum permite analizar a presenza das persoas biografadas nos fondos documentais dixitalizados do Consello da Cultura Galega.