Un dos clásicos do estudio de Tim Schafer (deseñador de títulos como Grim Fandango e Broken Age), Psychonauts, estrea finalmente a súa secuela, dispoñible para PC, PlayStation 4 e, moi especialmente, plataformas de Microsoft (PC, Xbox One e Xbox Series X|S), destacando o feito de que nestas últimas poderase gozar de Psychonauts 2 dentro de Xbox Game Pass.
Neste xogo adoptaremos o rol de Razputin Raz Aquato, experto e poderoso psíquico que conseguiu unirse á organización internacional de espionaxe psíquico Psiconautas, na que haberá que emprender misións extravagantes e afrontar misteriosas conspiracións.
Estamos ante un título de plataformas e aventura cun estilo de corte cinematográfico, na que Raz ten que viaxar a través das mentes de amigos e inimigos, para derrotar a un vilán psíquico homicida.
Tráiler de lanzamento de Psychonauts 2
