As rebaixas de verán de PlayStation Store ampliaron o seu catálogo coa incorporación dunha nova vaga de videoxogos, que se suman á promoción iniciada o pasado 15 de xullo. A campaña mantense activa ata o 12 de agosto e ofrece descontos de ata o 75 % nunha ampla selección de títulos para PlayStation, aínda que algunhas ofertas rematarán antes desa data.
Entre as incorporacións máis destacadas figuran estreas recentes como Clair Obscur: Expedition 33, DOOM: The Dark Ages, Forza Horizon 5, Indiana Jones and the Great Circle, Hellblade II: Senua’s Saga, Starfield, The Outer Worlds 2, Avowed e Microsoft Flight Simulator 2024, ademais de propostas moi populares como Baldur’s Gate 3, Cyberpunk 2077: Ultimate Edition, FINAL FANTASY VII REBIRTH, Marvel’s Spider-Man 2, The Last of Us Part I e The Last of Us Part II Remastered.
A promoción tamén incorpora numerosas edicións especiais e paquetes con contidos adicionais de franquías como Assassin’s Creed, Call of Duty, Diablo, Dragon Ball, Far Cry, LEGO, Need for Speed, Red Dead Redemption, Star Wars, The Elder Scrolls, The Witcher, Tom Clancy’s Ghost Recon e Warhammer 40,000, entre moitas outras.
As ofertas abranguen tanto xogos para PS4 como para PS5 e inclúen títulos de todos os xéneros, desde acción, rol e aventuras ata simulación, condución, deportes e estratexia. Entre eles tamén se atopan Ghost of Yōtei, Kingdom Come: Deliverance II Royal Edition, Little Nightmares III, METAL GEAR SOLID Δ: SNAKE EATER, Mortal Kombat 1: Definitive Edition, Persona 3 Reload Digital Premium Edition, Sea of Thieves, Street Fighter 6 Years 1-2 Fighters Edition, TEKKEN 8 – Advanced Edition, Until Dawn e WUCHANG: Fallen Feathers Deluxe Edition.
Sony lembra que o catálogo de xogos en promoción variou coa actualización realizada de hoxe, polo que algunhas ofertas iniciais foron substituídas por outras novas.
