Actualmente os xogadores de Nintendo Switch 2 que están subscritos a Nintendo Switch Online co Paquete de expansión (servizo que ten un prezo de 39,99 euros/ano) poden acceder a títulos clásicos de Nintendo GameCube dun catálogo selecto que inclúe grandes xogos como Luigi’s Mansion, SoulCalibur II, The Legend of Zelda: The Wind Waker e Wario World, ao que se sumará o vindeiro 13 de agosto o marabilloso Super Mario Sunshine.
Super Mario Sunshine é todo un clásico que colleu a remuda de Super Mario 64, levando a súa fórmula de éxito un paso adiante, progresando a experiencia de xogo 3D que anos máis tarde desembocaría en obras mestas como os Super Mario Galaxy ou Super Mario Odyssey.
Cómpre salientar que o servizo que facilita o acceso a este clásico non está dispoñible para a Nintendo Switch orixinal, pero quen queira gozar do Super Mario Sunshine en Switch pode facerse co lote de xogos Super Mario 3D All-Stars, que veu a luz en 2020 en plena celebración do 35º aniversario de Super Mario Bros.
