Tras unha beta multixogador limitada entre os días 6 e 10 de agosto, o xogo Gears of War: E-Day inicia a súa beta multixogador pública, de xeito que calquera usuario de Xbox Series X|S e PC (Steam) pode facerse coa versión de proba deste título para poñelo a proba ata o día 17.
Cómpre lembrar que Gears of War: E-Day chegará ao mercado o 6 de outubro, polo que a beta é un excelente xeito de comprobar se o título está a altura das expectativas dos seareiros desta importante franquía, que nesta ocasión resístese a chegar a PlayStation 5 como un xeito de comprometerse cos xogadores máis fieis a Xbox.
Este novo xogo permitirá experimentar o horror e a brutalidade do Día da Emerxencia, evento que tivo lugar 14 anos antes do Gears of War orixinal, e contará coa presenza de personaxes tan importantes na saga como Marcus Fenix e Dominic Santiago. Contará tanto con posibilidades de xogo individual como modos colaborativos en pantalla dividida para dous xogadores ou con ata 4 xogadores en liña.
