A cadea de tendas GAME vén de estrear GAME Premium, unha subscrición anual que redefine a súa relación cos clientes ao ofrecer un paquete ampliado de vantaxes, desde envíos gratuítos ilimitados ata dobres puntos en cada compra. A cadea presenta o servizo como unha evolución do seu programa de socios tradicional, deseñado a partir dun estudo de mercado realizado con usuarios reais, que sinalaron as prioridades que agora se converten en beneficios concretos.
A subscrición, cun prezo de lanzamento de 19 euros ao ano ata setembro de 2026, inclúe seis vantaxes principais: acumulación de puntos ao dobre de velocidade, envíos de balde sen límite nin importe mínimo, descontos adicionais en produtos de marca GAME e en software seminuevo, un 25% menos en servizos técnicos, acceso exclusivo a promocións e produtos, e un programa de agasallos e experiencias ao longo do ano.
GAME defende que a subscrición “rende desde o primeiro día”, argumentando que dous envíos e un desconto xa compensan o custo anual. Ademais, permite pagar a cota cos puntos acumulados, un detalle que reforza a idea dun ecosistema de fidelización máis integrado.
Cómpre sinalar que detalles como o acceso anticipado a edicións especiais ou produtos exclusivos está a ser interpretado por moitos consumidores como unha posible desvantaxe para quen non pague a subscrición, dificultando a adquisición de produtos con existencias limitadas.
