A operadora Adamo, con ampla presenza na Galicia rural (principalmente en Lugo) compartiu unha análise dos datos de despregamento de banda larga de alta velocidade no mundo rural sobre datos do Ministerio de Transformación Dixital e da Función Pública.
No informe dise que a cobertura fóra das cidades medrou un 384% en dez anos.
Esta taxa vén dada pola evolución da despregadura rexistrada polo Ministerio para a Transformación Dixital e da Función Pública: a conexión de redes fixas de banda larga alcanzaba ao 18,3% das vivendas situadas fóra das cidades para mediados de 2016 e nove anos despois, a porcentaxe era do 88,7%.
Como consecuencia da gran expansión desa infraestrutura, a fenda dixital entre os pobos e a porcentaxe de despregamento total en España reduciuse ata un 148% no citado período, indica Adamo, engadindo que “mentres o 96,4% do conxunto das vivendas conta con Internet de polo menos 100 Mbps -considerada ultrarrápida polo propio departamento gobernamental-, o 88,7% dos pisos e as casas ten a mesma velocidade mínima de sinal no mundo rural”.
Adamo lembra tamén que en 2016 a porcentaxe era lixeiramente superior ao 70% no primeiro caso e do 18,3% no segundo. “É dicir, que entón existía unha diferenza de case 52 puntos porcentuais, a cal nin sequera alcanza hoxe os 8”, apunta a operadora.
