Vodafone anuncia hoxe que pechou un acordo co Grupo MásMóvil para compartir fibra óptica en España ata un máximo de 1,9 millóns de unidades inmobiliarias durante os vindeiros 4 anos, co que ambas compañías procurarán mellorar a optimización e eficiencia das súas infraestruturas de fibra.
Baixo o amparo deste acordo Vodafone confía en poder mellorar a súa cobertura de xeito progresivo ata 1 millón de fogares. Ao peche de xuño, Vodafone ofrecía en España banda larga de fibra a 20,9 millóns inmobiliarias, das que 10,3 millóns correspondían a despregamentos propios ou compartidos.
Pola súa banda, MásMóvil terá comercialmente dispoñibles as primeiras 942.000 unidades inmobiliarias baseadas neste acordo ao longo do mes de decembro, de xeito que chegará a preto das 5,4 millóns de unidades inmobiliarias. Ao peche de xuño MásMóvil contaba con 13 millóns de fogares dispoñibles para comercializar servizos de fibra óptica.
Vodafone e MásMóvil compartirán fibra óptica
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
