A selección de Xogos con Gold de outubro é totalmente prescindible

Nos últimos meses Microsoft parece ter perdido o interese en ofrecer xogos recoñecidos para os seus subscritores de pagamento de Xbox LIVE, centrando os seus esforzos en mellorar o catálogo de Xbox Game Pass, e en outubro parece que seguirá na mesma liña, xa que os Xogos con Gold do mes que entra serán os xogos de Xbox One Slayaway Camp: Butcher’s Cut (homenaxe aos filmes de terror dos anos 80) e Maid of Sker (un xogo de terror e supervivencia), acompañados polos retrocompatibles Sphinx y la Maldita Momia (orixinal da primeira Xbox) e Costume Quest (xogo de disfraces máxicos con superpoderes que lanzouse orixinalmente para Xbox 360, e sorprende especialmente por terse incluído a súa secuela nos Xogos con Gold hai máis de 4 anos).
Non hai moitas dúbidas en que probablemente esteamos ante unha das peores seleccións de Xogos con Gold da historia, con títulos totalmente descoñecidos para o xogador medio, evidenciando que Xbox LIVE Gold avanza para converterse basicamente nun servizo de xogo en liña de pagamento que pode contratarse conxuntamente co Xbox Game Pass para dar lugar ao Xbox Game Pass Ultimate, servizo que Microsoft está a promover insistentemente e que considera chave para a vindeira xeración de consolas.