Fujifilm está lanzará o vindeiro día 30 unha aplicación para a Nintendo Switch que permitirá empregar a impresora para smartphones instax mini Link con personaxes e escenarios de xogos de Nintendo como Animal Crossing: New Horizons ou New Pokémon Snap, sen esquecer aos Super Mario, de xeito que fai doada a creación de impresións baseadas en xogos, para achegar os títulos de Nintendo ao mundo real.
A instax mini Link é unha pequena impresora fotográfica de instantáneas de 86 x 54 milímetros (62 x 46 milímetros se descontamos o marco) cunha resolución de 800 x 600 píxeles, que conéctase ao smartphone por Bluetooth para facilitar o seu control a través dunha aplicación que conta con numerosos modelos predefinidos, de xeito que resulta bastante doado crear imaxes divertidas, e que grazas á nova aplicación para Switch abrirá a posibilidade de imprimir momentos de xogos ou personaxes que teñamos almacenados na consola de Nintendo, realizándose a transferencia de imaxes entre a consola e o smartphone mediante códigos QR que presentará a consola en pantalla. Tamén será posible mesturar as nosas fotografías con distintos deseños baseados en xogos de Nintendo.
Aproveitando o lanzamento da nova aplicación Fujifilm vai pór á venda unha nova versión da impresora para smartphones que incluirá unha funda de Pikachu.
A instax mini Link poderá empregarse con contidos da Switch a partir do 30 de abril
