Dende Moment levan anos traballando na creación de obxectivos para smartphones, dotando aos nosos móbiles dunha maior versatilidade para a gravación de vídeo, e a incorporación de MagSafe nos iPhone levounos a reaccionar cunha chea de accesorios como micrófonos e fachos que poden engadirse dun xeito áxil e doado, pero agora levan o concepto un paso máis adiante coa Moment Mobile Filmmaker Cage, unha gaiola para cámaras que pode suxeitarse ao móbil mediante MagSafe e á que podemos conectar accesorios como micrófonos e fachos con formatos estándar á vez que suxeitar dun modo máis cómodo o teléfono durante as gravacións de vídeo, podendo así tirar un maior proveito dos populares obxectivos de Moment.
Esta interesante gaiola permite un agarre firme, fai doada a organización dos cables dos accesorios, pode colocarse de xeito seguro sobre unha superficie plana e pode adquirirse por 99 dólares. Aínda que a gaiola de Moment está deseñada para o iPhone, o seu fabricante tamén facilita a adquisición de fundas para móbiles que permiten o uso de accesorio para MagSafe en móbiles como o Pixel 6 e 6 Pro e os móbiles Samsung Galaxy S21 Ultra, S22, S22+ e S22 Ultra.
Vídeo no que amosan o Moment Mobile Filmmaker Cage
