Xbox Game Pass incorporará numerosos xogos nas vindeiras semanas, con varios de grande calidade, entre os que destaca especialmente Senua’s Saga: Hellblade II, que se estrea directamente en Game Pass e que é a secuela dun dos xogos máis reputados dos últimos anos, Hellblade: Senua’s Sacrifice, destacando unha vez máis pola súa grande inmersión a nivel gráfico e sonoro. Este xogo chegará ao Game Pass o vindeiro día 21, e poderemos gozalo en Xbox Series X|S, PC e a nube.
Pero esta mesma semana tamén temos grandes xogos, como Brothers: A Tale of Two Sons (xogo de quebracabezas de Starbreeze Studios), Chants of Sennaar, EA Sports NHL 24 (dispoñible mediante streaming) e Immortals of Aveum (shooter máxico en primeira persoa).
O 23 de maio tamén recibiremos os xogos Hauntil e Galacticare; o 28 de maio chegará Moving Out 2; seguiranlle o día 30 Humanity e Lords of the Fallen; e xa para o 4 de xuño está confirmada a chegada de Firework e Rolling Hills.
Hellblade II chega a semana que vén ao Game Pass
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
