Un dos momentos que agardaban os subscritores de Game Pass está a chegar, pois este mércores é o día escollido por Microsoft para estrear o xogo Call of Duty: Modern Warfare III no Game Pass para consola e PC, de xeito que moitos máis usuarios poderán sumarse tanto á súa campaña como ao seu modo multixogador.
Modern Warfare III inclúe todos os mapas clásicos do reputado Modern Warfare II de 2009, incorporando novos mapas e modernizando o multixogador a todos os niveis, conseguindo así un xogo moi completo ao que non lle faltan funcións como o xa tradicional modo zombis.
Temos así que esta semana será histórica para o Game Pass, aínda que ao que están a agardar con máis intensidade os xogadores é á incorporación do futuro Call of Duty: Black Ops 6 ao servizo, previsto para o vindeiro 25 de outubro, aínda que nesta ocasión cómpre subliñar que a versión básica do Game Pass para consola non incluirá o novo Call of Duty de lanzamento (precisando da versión Ultimate no caso de consolas).
Esta semana Call of Duty chega por primeira vez ao Game Pass
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
