A Axencia Española de Supervisión de Intelixencia artificial (AESIA) -organismo con sede na Coruña adscrito á Secretaría de Estado de Dixitalización e Intelixencia Artificial, dirixida por María González Veracruz- e a Delegación do Goberno en Galicia, en colaboración coa Deputación da Coruña, organizan hoxe martes, día 29, no Pazo de Mariñán a xornada formativa Intelixencia Artificial para mozas. Pensamento crítico, oportunidades e riscos.
Esta iniciativa enmárcase dentro do Plan Director para a convivencia e mellora da seguridade nos centros educativos e as súas contornas, que alcanza a máis de 150.000 escolares galegos, e está dirixida especificamente a formadores e formadoras das Forzas e Corpos de Seguridade do Estado.
O delegado do Goberno en Galicia, Pedro Blanco, defendeu durante a apertura da xornada que o reto ante a rápida expansión da intelixencia artificial entre nenos e adolescentes “non é dicirlle á xente nova que non a utilice, senón ensinarlles a utilizala ben”. Neste sentido, reivindicou “a importancia de dotar aos mozos de ferramentas para facer un uso seguro, consciente e crítico desta tecnoloxía”.
Pedro Blanco destacou o papel da Garda Civil e da Policía Nacional para trasladar este coñecemento ás aulas e subliñou que o avance da tecnoloxía debe producirse “sen deixar atrás a seguridade, os dereitos e, sobre todo, ás persoas”.
Lembrou que a IA consolidouse como unha realidade que impacta de forma directa na infancia e a adolescencia, quen actúa como usuarios intensivos mentres configuran a súa identidade. Ante este escenario, a xornada busca dotar aos axentes (policías nacionais e gardas civís), de recursos e coñecementos para orientar aos mozos fronte a posibles riscos e usos indebidos da IA e garantir o seu benestar en contornas dixitais. Ademais, un dos piares da formación será o fomento do pensamento crítico fronte á desinformación, así como a promoción da seguridade e a privacidade para un uso consciente e sostible desta tecnoloxía.
A apertura da xornada contou coa participación de Pedro Blanco Lobeiras, delegado do Gobierno en Galicia, así como representantes institucionais da Deputación da Coruña, da Xunta de Galicia e da AESIA, entre outros.
A AESIA, como entidade líder no marco de gobernanza do Regulamento Europeo de Intelixencia Artificial en España, reafirma con esta formación o seu compromiso coa protección dos dereitos fundamentais da cidadanía ante os riscos emerxentes da IA.
