Publican as datas de lanzamento do contido descargable para Tomb Raider: Underworld

O pasado 21 de novembro chegou ás tendas Tomb Raider: Underworld, coa promesa de que tería capítulos descargables en exclusiva para a Xbox 360, pero sen pillar os dedos dando datas, e agora dende Eidos Interactive concretan os lanzamentos para o Bazar de Xbox LIVE, que comezaron onte cun tema Premium para a Xbox 360 que pódese adquirir por 250 puntos (3 euros) e que está inspirado nas criptas e covas que aparecerán no primeiro novo capítulo, Bajo las Cenizas, que poderase mercar a partir do 10 de febreiro.
Este primeiro capítulo descargable para o último xogo de Tomb Raider nos sitúa nas ruínas da Mansión Croft, para descubrir unha serie de cavernas nunca vistas e criptas antigas utilizadas para protexer e agochar unha forte mortal de poder. Nesta aventura aparecerá un novo inimigo a bater e novos puzzles a solucionar. A súa descarga tamén inclúe 6 novos traxes para Lara.
O seguinte capítulo, La Sombra de Lara, porase á venda o 10 de marzo, pero aínda non se publicaron detalles sobre esta expansión que incrementará a experiencia de xogo de Tomb Raider: Underworld.