FUEL faise cun Record Guinness polo tamaño dos seus escenarios

Este venres chega ás tendas o videoxogo de carreiras multiterreo FUEL (aínda que podería retrasarse unha semana), ambientado nun presente alternativo no que partes enteiras do planeta foron devastadas por efectos do cambio climático polas que deberemos competir á vez que nos enfrontamos a choivas torrenciais, nevaradas, tormentas de area, lóstregos… o que forzará cambios de estratexia durante as carreiras á vez que o xogador gozará do detalle deste sistema meteorolóxico dinámico. Pero o máis destacable deste título é que a acción transcorre no contorno máis grande creado nunca en xogos de carreiras, cun terreo de máis de 14.400 quilómetros cadrados, o que valeulle o recoñecemento dun Record Guinness.
A xente do Asobo Studio de Codemasters fixo unha intensa labor para desenvolver este inmenso lenzo no que debuxar a acción de FUEL, aínda que sorprende bastante que o record recoñecido por parte do Guinness sexa o de «maior área xogable nun xogo de consola», posto que falamos dun escenario medible en quilómetros, cando outros títulos manexarían magnitudes de anos luz, polo que entendemos que esta marca precisa de moitas precisións, e descoñecemos que chegará a figurar na edición impresa do Libro dos Records xa que a edición de 2009 leva uns meses á venda, e algunha outra compañía podería superar a FUEL nos vindeiros meses.