Lips estreará secuela no outono

Tras o impresionante éxito de vendas do xogo Lips para a Xbox 360, Microsoft anuncia o lanzamento de Lips: Number One Hits, título que pretende continuar os pasos do seu predecesor e que incorporará temas coma Viva La Vida de Coldplay, Disturbia de Rihanna, U Can’t Touch This de MC Hammer, More Than Words de Extreme, Apologize de OneRepublic, Karma Chameleon de Culture Club, I Heart It Throught the Grapevine de Marvin Gaye, Oh, Pretty Woman de Roy Orbison e Ready, Set, Go! de Tokyo Hotel, que presumiblemente estarían presentes en todas as versións internacionais do xogo, aínda que logo cada país conta cunha versión adaptada aos gustos locais.

Por fortuna, no presente ano os micrófonos de Lips comezaron a ser compatibles con xogos coma o Guitar Hero: Metallica (e, en breve, tamén co Rock Band 2) polo que a compra deste título con micrófonos resulta altamente atractiva (por mellorar a experiencia de varios xogos musicais, aínda que sexa só polo detalle de que estes micrófonos sexan sen fíos).
O novo xogo contará basicamente coas mesmas funcionalidades, pero cun catálogo de cancións moi traballado, pero podería garantir as súas vendas cando chegue ao mercado o vindeiro mes de outubro.

Anuncio europeo do novo Lips: Number One Hits