Os xogos de Neo Geo poderían incorporarse á PlayStation Store en breve

A través da web do panel de cualificación por idades para os videoxogos nos EE.UU. confirmouse algo que viña a rumorearse nos últimos meses, como era a posibilidade de que moitos xogos clásicos de recreativa, concretamente da Neo Geo, rexurdan para as consolas PlayStation 3 e PSP, comezando polos xogos Baseball Stars Professional, Alpha Mission II, League Bowling e Super Sidekicks, que aínda que non sexan os títulos máis populares desta plataforma, son un bo comezo, de xeito que é de agardar que nos vindeiros días anuncien oficialmente os xogos que chegarán coma descarga a través da PlayStation Store, no que podería considerarse coma o equivalente á Consola Virtual da Wii, pero para as consolas de Sony, o que agradecerán especialmente os amantes dos xogos retro ou os novos xogadores que non teñen idade para ter gozado de moitos clásicos no seu día.