O videoxogo de Thor terá versión para 3DS pero non para PSP

En maio Marvel levará aos cines unha película baseada no seu personaxe Thor, o deus nórdico do trono, que contará cunha adaptación ao videoxogo elaborada por SEGA e que contará cos actores Chris Hemsworth e Tom Hiddleston para pór voz a Thor e o sen irmán Loki, deus do engano, respectivamente, de xeito que facilitarán a asociación do xogo Thor: God of Thunder coa película coa que coincidirá no tempo, aínda que non en historia, pois o videoxogo aproveitará moitos detalles extraídos das aventuras de Thor nos comics para enriquecer o universo virtual ao que darán vida en varias plataformas e que conformarán o primeiro videoxogo protagonizado por Thor.
Pero as cousas non están a saír tan ben como era de agardar, e aínda que o xogo estivese proxectado inicialmente para PlayStation 3, Xbox 360, Wii, Nintendo DS e PSP, a versión para a portátil de Sony vén de ser cancelada por SEGA, compañía que contrasta esta mala nova co anuncio de que no mesmo mes de maio existirá versión para Nintendo 3DS do xogo, o que é toda unha sorpresa, pois o título non aparecía en ningunha das listaxes de títulos que chegarán para a nova portátil de Nintendo antes do verán, o que pode ser unha de moitas sorpresas, pois de ser posible o lanzamento deste título a tempo poderiamos ter moitas outras sorpresas antes de rematar o ano.