Publicado o código ético dos blogueiros de viaxes

A segunda edición do Encontro de Blogueiros e Redes Sociais que se celebrou os días pasados en Cantabria serviu entre outras cosas para dar forma a un manual básico de comportamento informativo no que seguimento dos eidos turísticos e/ou gastronómicos se refire. O texto, que veu da man dos bitacoreiros que participaron nesta xuntanza (autores especializados en turismo e viaxes), ten como principal obxectivo o de acadar un panorama en liña “máis esixente e libre”, dous conceptos que segundo se fai saber no dito código ético, non son excluíntes. O Manifesto Cantabria, así se fai chamar, consiste nun decálogo sobre as normas de comportamento que deberían acompañar o labor informativo dun blogueiro deste e, tamén, doutros ámbitos.
Por exemplo: o respecto á autoría allea, o compromiso coa interacción co contorno, a defensa da orixinalidade, a transparencia e a responsabilidade, entre outros preceptos.
O manifesto xa está aberto a presentes e vindeiras adhesións.
O seu xermolo foi, como dixemos, o segundo Encontro de Blogueiros de Cantabria, un evento no que houbo, unha vez máis, representación galega, xunto con membros das blogosferas respectivas de Asturias, Cantabria, Aragón, Catalunya, Tenerife, Madrid ou Andalucía.
A xuntanza, patrocinada polo goberno autonómico, inseriuse unha viaxe de familiarización que pasou por algúns dos principais emprazamentos turísticos da zona., como por exemplo San Vicente de la Barquera, Comillas, Santillana del Mar e Santander. A viaxe estivo coordinada pola axencia Open Comunicación, responsable tamén da primeira edición da que abrollaron máis de 50 reportaxes e case un millón de impresións. Os fundadores deste Manifesto de Cantabria foron os responsables das seguintes bitácoras de viaxes: Blogs turismo, Círculos de fuego, El mundo con mochila, El viajero impresionista, En el mundo perdido, La vuelta de los 25, Los mejores top 10, Machbel, Mi maleta y yo, Mil Camins, My guia de viajes e Sabor gourmet.