Dende o 2 de decembro os seareiros de Pokémon van poder experimentar por primeira vez unha aventura de Pokémon en 3D grazas ao xogo Super Pokémon Rumble para a Nintendo 3DS, que permitirá combater contra hordas de xoguetes Pokémon, conectarse cos amigos e combater xuntos.
Este xogo de acción é unha secuela do título de WiiWare Pokémon Rumble, ao que engaden as criaturas de Pokémon Edición Negra e Edición Blanca, polo que o número de Pokémon dispoñibles superaría os 600.
Con Super Pokémon Rumble poderase conectar cos amigos de 2 xeitos: usando a conexión sen fíos local para gozar do modo cooperativo (superando niveis xuntos e engadido xoguetes Pokémon derrotados dun xeito máis doado) ou tirando proveito da función StreetPass da 3DS, para retar a xoguetes Pokémon de xogadores que estean preto e poder ver os personaxes Mii doutros xogadores.
Trailer nipón do xogo
