O R-Type de Mega Drive deixará a Consola Virtual o venres

As tendas dixitais de descargas deberían ser unha das solucións aos problemas de abastecemento, pero non sempre é así, pois a explotación dos produtos está limitado por licenzas temporais, de aí que dende SEGA teñan a ver avisar de que o seu xogo clásico R-Type, dispoñible para a Wii de Nintendo na súa versión para SEGA Master Systema a través da Consola Virtual, vai desaparecer desta plataforma o vindeiro venres, polo que os interesados en facerse con este título deberían bulir.
R-Type é un dos principais referentes dos xogos de naves de desprazamento lateral, desenvolvido por Irem en 1987, e que incluso estreou versión para Android este mesmo mes, deixando claro que os clásicos resístense a desaparecer. Ofrece 8 niveis onde pór a proba a pericia do xogador, cunha dificultade propia das máquinas recreativas dos anos 80, polo que é un título altamente recomendable para os que gusten de grandes retos. O seu prezo é de 500 Wii Points.