Volve a mascota virtual da PlayStation 3, EyePet

Hoxe chega ás tendas EyePet y sus amigos, nova entrega da mascota virtual da PlayStation 3, que desta volta permitirá educar e xogar con dúas mascotas á vez, de xeito que os cativos da casa poderán gozar no mesmo televisor do dobre de travesuras e diversión grazas á experiencia de realidade aumentada que consegue este título en combinación coa tecnoloxía de PlayStation Move.
Entre as novidades de EyePet y sus amigos está o Centro de Creatividade, que permitirá que os xogadores poidan deseñar todo tipo de obxectos (xoguetes, adhesivos, vehículos…), e tamén numerosos contidos que poderán desbloquearse e compartirse cos amigos en liña.
O xogo pode mercarse solto por un prezo de 29,99 euros, estando tamén dispoñible nun paquete co mando PlayStation Move e a cámara PlayStation Eye por 74,99 euros.