O xogo español Deadlight chegará á Xbox 360 no verán

O estudo madrileño Tequila Works está a desenvolver un xogo para Xbox 360, Deadlight, ambientado na costa oeste dos EE.UU. nun ano 1986 alternativo no que un mal descoñecido reduciu drasticamente a poboación do planeta transformando aos homes en autómatas homicidas nas que o protagonista, Randall Wayne, deberá sobrevivir. Estamos ante un arrepiante xogo de plataformas cunha estética moi cinematográfica e con quebracabezas que vén de confirmar a súa data de lanzamento: o 1 de agosto.
O xogo estará encadrado no Summer of Arcade de Xbox LIVE e comercializarase a un prezo de 1.200 Microsoft Points (14,4 euros). Podemos coñecer un pouco máis da historia de Deadlight da man dos seus responsables a través dun vídeo que publicaron nos últimos días: