O xogo Metal Gear Rising: Revengeance, pese a estar fóra da saga de Metal Gear Solid, está a captar moita atención no Xapón, de aí que Konami decidise que vai vender alí un par de edicións especiais deste título. Por unha banda contará cunha edición Premium que inclúe o xogo en caixa metálica, un libro de ilustracións e un par de figuras dunhas criaturas chamadas Gekko que aparecerán nesta nova aventura de Raiden. Tamén incluirá un traxe descargable para o protagonista do xogo e venderase por 9.980 iens (95,95 euros).
Por outra banda, os que teñan maior afán de coleccionismo poderán adquirir por 12.980 iens (124,79 euros) unha edición chamada Premium Package Konami Style Special Edition que incluirá todo o anterior xunto cunha figura articulada de Raiden.
Polo momento non se anunciou o lanzamento destas edicións en España, aínda que non sería de sorprender que se distribuíse internacionalmente en vista do pulo que teñen todos os produtos baixo a marca Metal Gear.
Metal Gear Rising: Revengeance amosa no Xapón as súas edicións especiais
Compartir Este Artigo
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
