Windows Phone 8 recibe o seu primeiro xogo feito con Unity

Tras xogos como Asphalt 7 Heat e Need For Speed: Hot Pursuit chega a Windows Phone 8 un novo xogo de carreiras de coches, Drift Mania Championship 2, que é a secuela dun título que en iOS superou os 10 millóns de xogadores en todo o mundo, e que ofrece gráficos de alta definición, personalización de vehículos e modos multixogador en local e en liña que está a venda por 1,99 euros e destaca, non polo que ofrece como xogo, senón polo feito de ser o primeiro xogo para a última plataforma móbil de Microsoft desenvolvido co motor Unity.
O xogo ocupa 200 Mbytes e carece de versión de proba, e aínda que non sexa un lanzamento moi relevante por si mesmo, si ten un grande impacto no desenvolvemento de xogos multi-plataforma, pois supón que títulos desenvolvidos con Unity como Bad Piggies, Temple Run 2, Three Kingdoms Online e moitos outros poidan dar o salto a Windows Phone 8 sen problema.
Agárdase que nos vindeiros días anúnciese oficialmente e dispoñibilidade de Unity para Windows Phone 8, pois segundo parece, o xogo que no ocupa tivo acceso a un SDK de proba de tal motor (que ata o momento limitaba a súa presenza móbil a iOS e Android).

Drift Mania Championship 2 visto en vídeo