LINE ofrece de balde para Android e iOS o xogo Let’s Golf!

Un dos principais competidores de WhatsApp, LINE, continúa a reforzar o seu catálogo de xogos da súa plataforma (que precisa da identificación coa conta de usuario de LINE para poder gozar dos xogos, contribuíndo a aumentar a base de usuarios desta solución de mensaxería instantánea) e ofrece dende esta semana o seu primeiro xogo de golf, LINE Let’s Golf!, unha versión do popular xogo publicado por Gameloft para dispositivos móbiles, e que deste xeito pode gozarse de balde para Android e para iPhone.
LINE Let’s Golf! ofrece variados campos de golf en tres dimensións (dende illas tropicais ata xardíns), conta con grandes opcións de personalización para adaptar o noso estilo de xogo ao contorno, permite crear avatares únicos con moreas de personaxes e traxes desbloqueables e tamén ofrécenos a posibilidade de retar aos nosos amigos ou competir con eles en clasificacións semanais. Unha excelente oportunidade para gozar dun popular xogo de golf de balde.