Principian as rebaixas na PlayStation Store

Cando aínda non chegaron nin Papá Noel nin os Reis Magos, dende Sony teñen xa ofertas na PlayStation Store, para que a xente que teña uns días libres durante as festas poida aproveitar para mercar algún xogo a un prezo reducido para gozar do lecer electrónico antes de volver á rutina diaria. Iso si, non serán as únicas ofertas dixitais de Sony, xa que o 7 de xaneiro tamén iniciarán unha nova campaña de rebaixas.
Entre as promocións para os usuarios de PlayStation 4 temos que o xogo Call of Duty: Advanced Warfare a 49,99 euros ata o 31 de decembro; ata o 7 de xaneiro manterán Dragon Age: Inquisition a 44,99 euros, FIFA 15 Deluxe Edition a 44,9 euros, The Legend of Korra a 9,99 euros, Sleeping Dogs: Definitive Edition a 24,99 euros, Watch_Dogs a 34,99 euros, entre outros; e ata o 21 de xaneiro teremos xogos como Awesomenauts Assemble! A 4,99 euros, PES 2015 a 29,99 euros ou Tomb Raider: Definitive Edition a 19,99 euros.
Os usuarios de PlayStation 3 tamén poderán facerse ata o 7 de xaneiro con xogos como Alien Isolation por 29,99 euros, Castle of Illusion por 3,99 euros, Dark Souls II por 14,99 euros ou Ultra Street Fighter IV por 17,99 euros; mentres que ata o 21 de xaneiro teñen F1 2014 a 19,99 euros ou Tokyo Jungle por 4,99 euros.
Para a PS Vita tamén hai ofertas salientables, como Rayman Legends por 14,99 euros, FIFA 15 por 19,99 euros, Football Manager Classic 2014 por 7,49 euros ou Terraria por 4,99 euros.