HEROCast permite empregar cámaras GoPro para retransmisións televisivas en directo

As cámaras de acción levan un tempo incorporando funcionalidades de comunicacións sen fíos para facilitar a súa monitorización e o seu control a distancia, pero GoPro, para continuar a conservar a súa posición de liderado no sector, quixo levar máis adiante estas tecnoloxía e anuncia HEROCast, un transmisor que pode conectarse a unha das súas cámaras para poder empregar o sinal de vídeo recibido en retransmisións televisivas.
Esta tecnoloxía xa se probou por parte da canle ESPN durante os últimos X Games de Aspen e a última Honda All Star Weekend (NHL), entregando vídeo en primeira persoa de competidores e xogadores, permitindo que os espectadores poidan situarse no centro da acción a través do seu televisor.
Os micro transmisores HEROCast desenvolvéronse coa colaboración de Vislink, e intégrase prefectamente cos actuais accesorios de GoPro, ofreceno vídeo a 60 cadros por segundo a 1.080 ou 720 liñas empregando codificación H.264.
HEROCast está dispoñible en dúas versións diferentes, a básica (coa que se contacta a través dun cable HDMI, para manter a cámara nun tamaño compacto e versátil) e a BacPac (na que o emisor esta conectado directamente á cámara, o que sería ideal para instalacións en paredes, vehículos e outra situacións nas que o tamaño da cámara non fose crucial). En ambos casos terían un prezo de 7.500 dólares (7.055 euros), deixando claro que non estamos ante unha solución deseñada para o público xeral, senón para contornos profesionais nos que o vídeo en primeira persoa poida resultar enriquecedor para unha retransmisións televisiva.