Un dos grandes xogos de plataformas independentes, que tanto éxito tivo en Xbox e PC, por fin chegará a plataformas PlayStation. Trátase do célebre Super Meat Boy, que desta volta quere compensar a súa ausencia no catálogo de PS3 e confirman que terá versión para PlayStation 4 e PlayStation Vita este mesmo ano e que estas mesmas estarán incluídas dentro de PlayStation Plus, de xeito que os subscritores do servizo poderán facerse con todo un clásico moderno sen custo adicional.
Super Meat Boy é un xogo de plataforma no que controlas a un pequeno anaco de carne que intenta salvar á súa moza, para o que ten que superar infinidade de niveis desafiantes evitando numerosas trampas portais e, de feito, este título consiste en repetir cada dun dos seus máis de 300 niveis repartidos en 5 capítulos (morrendo constantemente) ata adquirir a habilidade suficiente como para completalos para pasar ao seguinte desafío. Un xogo cuns gráficos moi básicos, pero unha xogabilidade pura que o converte en todo un imprescindible.
Vídeo de presentación da versión de Super Meat Boy para consolas de Sony
