Os xogadores de PS4 poderán gozar do primeiro Max Payne

Ao dar conta Sony onte das novidades que chegarán esta semana á PlayStation Store europea figura unha sorpresa para moitos, xa que o clásico xogo de acción Max Payne de Remedy Entertainment figura como título para PlayStation 4 que se estreará o vindeiro día 22, xogo que xa está dispoñible para PlayStation 3 a un prezo de 9,99 euros, e que tratábase realmente dunha versión emulada do xogo de PlayStation 2, pero desta volta é de esperar que esteamos nunha versión que non se limite a permitir gozar do xogo con gráficos a 1080p, senón que tamén inclúa trofeos, Share Play, uso a distancia e outras funcionalidades propias dos xogos de PS4, como xa fixeron outros xogos de PS2 ao adaptarse á consola da actual xeración.
Por desgraza, e se atendemos a outros xogos editados por Rockstar Games seguindo esta mesma fórmula (como Canis Canem Edit e Manhunt), o máis probable é que Max Payne para PS4 teña un prezo de 14,99 euros, o que pode considerarse unha cantidade bastante elevada para un xogo de 2001, que en plataformas como Steam pode adquirirse por 9,99 euros.