A AETG asina un acordo de colaboración co SabadellGallego
mércores, 15 de maio do 2019
Esta mañá, a Asociación
de Enxeñeiros de Telecomunicación de
Galicia (AETG) asinou un acordo de colaboración co SabadellGallego (Grupo Banco Sabadell) coa
finalidade de facilitar aos seus asociados aqueles produtos e servizos da
entidade bancaria en condicións especiais para o colectivo profesional de
enxeñeiros de telecomunicación.
O acordo foi asinado polo presidente da AETG, Julio Sánchez Agrelo e por Manuel Prol
Cid, director de Colectivos Profesionais e Sabadell Colaboradores co obxectivo
de instrumentar e regular a colaboración
en beneficio do colectivo de asociados. Por parte da AETG na sinatura estiveron tamén presentes
Ricardo Fernández, secretario da AETG e
Fernando J. Miranda, director de
colectivos profesionais do SabadellGallego.
En virtude deste acordo, SabadellGallego pon ao dispor dos
asociados da AETG un conxunto de
produtos e servizos financeiros, personalizados e en condicións preferentes,
adaptados á súa economÃa profesional e persoal, sendo extensibles estas
vantaxes tamén aos seus familiares e empregados.
Pola súa banda, a Asociación de Enxeñeiros de Telecomunicación de Galicia,
aumenta a súa oferta de servizos para que os colexiados poidan acceder a unha ampla variedade de servizos
financeiros moi competitivos e a un asesoramento financeiro personalizado en
financiamento, liñas subvencionadas, renting, produtos de aforro, etc.