A Academia Galega da LÃngua Portuguesa estrea web
martes, 1 de febreiro do 2011
A Academia
Galega da LÃngua Portuguesa (AGLP) vén de pór en marcha a súa nova páxina web
oficial, academiagalega.org, un
espazo con feitura de blog no que se aposta polo contido directo, a sinxeleza
nos recursos dispostos e a busca de recursos útiles que permitan un contacto máis
estreito coa comunidade internauta galego-portuguesa. O novo sitio inclúe novas
(ocupando o maior espazo da pantalla e incorporando unha boa cantidade de
material multimedia para completar a información), datos sobre obxectivos e
liña de traballo da Academia, eventos (axenda), publicacións, estatutos e ligazóns
a entidades irmás.
Amais
disto, tamén se achega a posibilidade de facer buscas ou de procurar información
relacionada coas novas incluÃdas. Cómpre lembrar que a Academia, unha entidade
para recuperar e pór en valor o patrominio lingüÃstico e literario
galego-portugués, ten o seu xermolo en decembro de 2007, máis polo miúdo en
Santiago de Compostela, onde se deu cita un importante equipo de apoios (docentes,
avogados, editores, empresarios e escritores) para darlle forma á Asociación
Cultural Pró Academia Galega da LÃngua Portuguesa, miolo
da Academia. Ao longo deste tempo, e tal e como temos reflectido na nosa web, a
entidade ten dado mostras dun claro interese por tirar o máximo partido das
novas tecnoloxÃas, e non só coa publicación na Rede do Léxico
da Galiza (conxunto de termos procedentes da nosa lingua aos que dende
a Academia se pretende popularizar e evitar, en moitos casos, que se extingan
pola influenza do castelán).