A App Store celebra o seu quinto aniversario con aplicacións de balde

Traktor JD é unha aplicación de grande éxito para iPad que estes días pode descargarse de balde

Atendendo ás demandas do mercado, en 2008 Apple presentou un kit de desenvolvemento de aplicacións para o iPhone que permitiría crear aplicacións para o dispositivo de moda do momento e distribuílas a través dunha tenda de aplicacións que finalmente converteuse en todo un fenómeno que esta semana celebra o seu quinto aniversario, o que agradecerán moitos usuarios, posto que a festa consisten en ofrecer numerosas aplicacións de grande éxito e calidade totalmente de balde como a popular aplicación para iPad Traktor DJ, que achega a experiencia de pinchar discos ao tablet de Apple.

Tiny Wings nas súas versións para iPhone e iPad tamén está entre os xogos que se ofrecen de balde estes días

Outras aplicacións que tamén están temporalmente de balde son Day One Journal, Over, Barefoot World Atlas, How to cook everything, Map My Ride + e Knots 3D; aínda que a cousa non se limita ás ferramentas para iOS, senón que tamén beneficia aos xogos, podendo descargarse de balde algúns dos títulos de máis sona como Tiny Wings (e Tiny Wings HD), Badland, Sword & Sworcery, Infitiny Blade 2 e Where’s My Water, aos que se suman outros títulos como Groove Coasters Zero, The Idiot Test 3, Pig Shot, Glow Puzzle, Real Steel, Sentinel 2: Earth Defense, Sentinel 3: Home World e War of Reproduction.