A Asociación Empresarial do Tambre forma á mocidade en comercio electrónico
venres, 23 de abril do 2021
Sobre
a base do importante crecemento experimentado polo ecommerce
dende o inicio da pandemia, as entidades empresariais queren
capacitar ás firmas, aos profesionais, aos demandantes de traball e
ás persoas emprendedoras no manexo de todos os recursos precisos que
lles permitan vivir plenamente en liña. Un exemplo disto é o
Programa
Integrado de Emprego da Asociación Área Empresarial do Tambre
2020/21. Ao abeiro deste plan, vaise desenvolver a vindeira
semana unha actividade formativa sobre vendas e mercadotecnia en
liña. Dotarase ás mozas e mozos participantes dos coñecementos e
habilidades necesarias para entender e aplicar unha estratexia de
vendas a través de medios virtuais.
Como
facer unha web atractiva, poñer en marcha unha estratexia
publicitaria en Internet ou coñecer as particularidades do comercio
electrónico serán contidos que se desenvolverán e analizarán,
desde a perspectiva do estudo de casos prácticos, no curso.
O
Programa Integrado de Emprego da Asociación Área Empresarial do
Tambre está financiado pola Xunta de Galicia con fondos finalistas
transferidos polo Servizo Público de Emprego Estatal, a través do
servizo de Programas Mixtos da dirección xeral de Formación e
Colocación.