A Aula CeMIT da Deputación de Pontevedra achega en xullo un obradoiro dixitalizador do programa Extraordinarias

A Deputación de Pontevedra organiza os próximos días 16 e 17 de xullo na Aula CeMIT do Edificio Administrativo da administración provincial na cidade de Pontevedra, un obradoiro para a dixitalización de mulleres emprendedoras. A acción forma parte do programa Extraordinarias, da Fundación Extraordinaria, e o prazo de inscrición xa está aberto, con 20 prazas dispoñibles.
O obradoiro gratuíto, desenvolverase en horario de 10.00 a 12.00 horas e poderase seguir de maneira presencial ou de xeito remoto, está dirixido a mulleres con ideas e negocios que medran de local a global.
Na xornada, recibirán formación relacionada con habilidades de mercadotecnia dixital, pensamento de deseño, creación de marca dixital, ferramentas tecnolóxicas de xestión interna e innovación.
Extraordinarias é un proxecto destinado a formar en ferramentas dixitais para axudar a impulsar os seus negocios, como o comercio electrónico e a merdadotecnia dixital, a mulleres emprendedoras de zonas rurais de toda España, co fin de potenciar ideas e negocios activos que están xerando valor e economía local para impulsalos a nivel global. Con Extraordinarias, iniciativa da Fundación Cibervoluntarios, xa se formaron máis de 4.000 mulleres emprendedoras.