A Aula CeMIT do Concello de Boiro amplía a oferta formativa do novembro con cursos sobre LibreOffice

luns, 23 de outubro do 2023 S. P.

A Aula CeMIT do Concello de Boiro amplía a súa oferta formativa cunha nova convocatoria de cursos para o mes de novembro. As prazas son limitadas e requírese inscrición previa, segundo informaron fontes deste espazo de dinamización e capacitación tecnolóxica.
Os cursos que se ofertan para o mes de novembro centrarase na ferramenta de ofimática LibreOffice Writer (que se vai impartir entre o 6 e o 9 de novembro de 10.00 a 12.00 horas); no programa de follas de cálculo LibreOffice Calc, do 13 ao 16 de novembro de 10.00 a 12.00 horas; na ferramenta de desenvolvemento e administracións de bases de datos LibreOffice Base, do 20 ao 23 de novembro de 10.00 a 12.00 horas e; en Impress do 27 ao 30 de novembro no mesmo horario.
As inscricións están abertas e poden facerse na Aula CeMIT no Centro Social de Boiro, no enderezo electrónico axentetic@boiro.org, no teléfono 981 84 26 35 ou no móbil 629 769 139.

PUBLICIDADE