A Cámara da Coruña mellora a dixitalización e a innovación das empresas

Promover a innovación e a dixitalización das empresas coruñesas mediante programas europeos é o obxectivo da Cámara de Comercio da Coruña. Nos vindeiros días abrirá o prazo de solicitudes para participar nos programas Peme Innova e Peme Dixital, dos que se van a poder beneficiar preto de 50 empresas. Co programa Peme Innova, a entidade axudará a 24 empresas a desenvolver solucións que achegan innovacións significativas nos produtos, servizos e procesos, mediante unha metodoloxía propia que tamén combina o asesoramento e axudas directas á innovación, que poden achegarse aos 4.500 â‚¬.
En canto ao programa Peme Dixital, a entidade achegará solucións para mellorar a competitividade de 24 compañías a través da incorporación de novas tecnoloxías como ferramentas de produtividade na nube, comercio electrónico, márketing dixital, entre outras. Asemade, dende a Cámara da Coruña encargaranse de xestionar as axudas que poden chegar tamén aos 4.500 â‚¬.
Engadir que ambos os programas están financiados polo Fondo Europeo de Desenvolvemento Rexional (FEDER).