A Cámara de Comercio de Santiago abre o prazo de solicitude das axudas de Peme Cibersegura

A Cámara de Comercio de Santiago abriu a convocatoria pública de axudas para o desenvolvemento de plans de solucións de ciberseguridade no marco do Programa Peme Cibersegura, programa co-financiado polo Fondo Europeo de Desenvolvemento Rexional (FEDER) da Unión Europea.
Estás liñas están dirixidas a pequenas e medianas empresas e persoas autónomas da demarcación territorial da Cámara de Comercio de Santiago, sempre que conten cunha facturación mínima de 100.000 € no último ano e atópense dadas de alta no Censo do IAE na actividade obxecto de subvención antes do 1 de xaneiro de 2023.
O prazo para a solicitude das axudas Peme Cibersegura abrirá o día 9 de maio ás 9.00h, as empresas interesadas poderán presentar a súa solicitude na sede electrónica da Cámara de Comercio de Santiago ata o 15 de xullo ás 14.00h.
A selección realizarase por estrita orde de entrada de solicitudes.
Contido do convocatoria
Programa Peme Cibersegura consta de dúas fases, na Fase I, sen custo para a empresa, realizarase unha análise do nivel de ciberseguridade. Na Fase II, de implantación, tras a análise inicial, a empresa poderá realizar a implantación de solucións de ciberseguridade necesarias, para o que contará cunha axuda do 60% para investimentos sobre un orzamento máximo de 4.000€, que deberá realizar cun provedor externo.
As empresas poderán implantar proxectos tales como copias de seguridade en nube, análise de vulnerabilidades, solucións antimalware e de seguridade en correo electrónico, certificacións ISO 22301 ou 27701 e sistemas de control de accesos físicos, etc.