A Cámara de Comercio de Santiago abre o prazo de solicitude das axudas de Peme Dixital

A Cámara de Comercio de Santiago de Compostela abre a convocatoria pública de axudas para o desenvolvemento de plans de apoio de solucións innovadoras no marco do programa Peme Dixital (programa Pyme Digital), co-financiado polo Fondo Europeo de Desenvolvemento Rexional (FEDER) da Unión Europea.
Estas liñas están dirixidas a pemes e persoas autónomas da demarcación territorial da Cámara de Comercio de Santiago, sempre que conten cunha facturación mínima de 100.000 € no último ano e estean dadas de alta no censo do IAE na actividade obxecto de subvención antes do 1 de xaneiro de 2023.
O prazo para a solicitude das axudas Peme Dixital abrirá o día 15 de xullo ás 9.00h, as empresas interesadas poderán presentar a súa solicitude na sede electrónica da Cámara de Comercio de Santiago ata o 22 de agosto ás 14.00h.
A selección realizarase por estrita orde de entrada de solicitudes.
Contido do convocatoria
O programa Peme Dixital consta de dúas fases. Na Fase I, sen custo para a empresa, realizarase unha análise do nivel de dixitalización. Na Fase II, de implantación, trala análise inicial, a empresa poderá realizar a implantación de solucións dixitais necesarias, para o que contará cunha axuda do 60% para investimentos sobre un orzamento máximo de 7.000€, que deberá realizar cun provedor externo.
O Programa Peme Dixital ofrece apoio para habilitar solucións dixitais en tres áreas principais: ferramentas de produtividade e xestión empresarial na nube, comercio electrónico e mercadotecnia dixital. Dentro destas áreas, pódense desenvolver proxectos como a habilitación dun CRM, un sistema de xestión de almacéns, unha tenda online ou campañas de mercadotecnia por correo electrónica, entre outros. A información da convocatoria completa poderá consultarse na páxina web da entidade cameral.