A Cámara de Santiago premeu o acelerador en formación TIC
luns, 11 de xullo do 2016
A Cámara
de Comercio de Santiago de Compostela vén de presentar a
súa memoria de actividades e servizos referente a 2015 (documento en
PDF). Nela fai saber, entre outras cousas, que as súas accións
beneficiaron durante ese ano a un total de 5.730 empresas das
comarcas de Santiago, Barbanza e Melide. Segundo fixo saber o
presidente da Cámara, Jesús Asorey, ao fÃo
destas cifras, boa parte deste labor foi un labor educativo e
formativo centrado en innovación, emprendemento, competitividade e
recursos para o espallamento en mercados. Unha parte disto
materializouse a través do viveiro de
empresas que a Cámara ten no PolÃgono de Costa Vella. En 2015
asentáronse nas súas instalacións 22 empresas fÃsicas, que
ocuparon 41 dos 50 módulos dispoñÃbeis na incubadora, e 20
decidÃronse polo viveiro virtual.
Ademais, a taxa de
supervivencia empresarial desta estrutura situouse ao redor do 74 por
cento, sinala a Cámara, que salienta tamén o recoñecemento obtido
en 2015: o viveiro foi cualificado este ano
(segundo o Ranking Global da Fundación de las Caixas de Aforros,
FUNCAS) como o mellor viveiro de empresas de España.
No apartado de formación, a
Cámara de Comercio programou durante 2015
un total de 102 cursos formativos que contaron coa asistencia de
2.080 alumnos. Por temáticas, informática e novas tecnoloxÃas,
laboral, comercio e vendas, contabilidade e fiscalidade, idiomas,
recursos humanos e emprendemento son as áreas de formación que
primou a entidade cameral. Ademais dos cursos propios, leváronse a
cabo outras actividades formativas como xornadas ou seminarios,
realizados en colaboración con outros organismos e institucións.
Na
área de innovación, o Programa Innovación e Transferencia do
Coñecemento, Feira
do Coñecemento,
axudou a que 75 empresas estableceran contacto con centros
tecnolóxicos de nivel, asistindo a tres xornadas de sensibilización,
para finalmente acadar 17 preacordos de colaboración ao longo do
último ano.
No
programa gratuÃto InnoCámaras, deseñado pola Cámara de Comercio
de España, a Cámara quere potenciar a presenza da innovación e
fortalecer a posición competitiva das pequenas e medianas empresas.
O programa conta co financiamento de fondos FEDER, as Cámaras de
Comercio e a colaboración da Xunta de Galicia. Na convocatoria
2014-2015 recibÃronse 127 solicitudes de participación.
Con
respecto ao programa TIC Cámaras, recibÃronse 106 solicitudes de
empresas para participar na iniciativa destinada a incorporar
tecnoloxÃas da información como ferramentas competitivas claves na
súa estratexia. Ademais, o departamento emitiu 17 certificados
dixitais no marco do seu acordo con Camerfirma para a tramitación
telemática coas Administracións Públicas.