A Comisaría de Lonzas da Coruña estrea galería de tiro virtual

A subdelegada do Goberno María Rivas, visitou este xoves 20 de outubro a sede da Comisaría de Lonzas da Coruña, onde puido comprobar o funcionamento dunha gran novidade tecnolóxica do inmóbel: a súa nova galería de tiro virtual, que serve de complemento á tradicional galería na que se emprega munición real. Segundo dixo a subdelegada, este equipamento redundará nunha mellora da formación dos e as axentes destinados na cidade, “xa que lles vai permitir acceder a máis horas de prácticas e con máis versatilidade ao empregar as novas tecnoloxías”.
Acompañando a Rivas atopábase o xefe superior de Policía de Galicia, Ramón Gómez
A subdelegada destacou que A Coruña é unha do seis localidades españolas seleccionadas polo Ministerio do Interior para situar esta galería virtual. Ademais de Lonzas, o Ministerio emprazou tres destas galerías en en Madrid, unha nas Palmas e a última, en Granada. A instalación destas galerías, cuxo custo superou os 622.000 euros, está dentro das liñas estratéxicas da Policía Nacional para contribuír á transformación dixital da Administración Pública.
Rivas engadiu que os sistemas de tiro virtual “permiten recrear situacións reais, deseñar varios tipos de prácticas adaptadas ás necesidades específicas das diferentes unidades e obter datos para o seguimento e valoración dos exercicios”. Amais, incrementa a frecuencia de instrución e permite practicar o tiro instintivo e a reacción do axente. “Doutra banda”, dixo, “mellóranse as condicións de traballo dos instrutores e, ao non usar armamento real, diminúese a posibilidade de accidentes”. Por último, redúcense os custos asociados ao uso de munición real.